බිංපොල් භූගත කඳක් සහිත කුඩා පැළෑටියකි. කඳ ළංව ඇහිරුණු පතනශීලී පත්‍රවලින් වැසී ඇත. පත්‍රවල හැඬය රේඛීය, ලන්සාකාර සිට ඩෙල්ටාකාර දක්වා පුළුල් පරාසයක දැකගත හැකිය. මල තදදම් පැහැතිය. දුඹුරු පැහැති මාංසල ඵලය ඉලිප්සීය, ත්‍රි කෝණික ආදී විවිධ හැඬයන්ගෙන් හමු වේ. මෙම ඵලය ආහාරයට ගත හැකි අතර එය කිරි රසින් යුක්තය බිංපොල් Trichopodaceae කුලයට අයත් ශාකයකි.
දේශීයව සර්ප විෂට සහ කැඩුම් බිඳුම් වෙදකමේදී මෙම සම්පූර්ණ ශාකයම යොදා ගනී. ඖෂධ සඳහා භාවිතා කිරීමේදී අමුවෙන් යෙදීම සුදුසු බව සඳහන් වේ. සර්ප විෂට බිංපොල්, කහ, ලුණු දමා කොට බැඳීම සහ අස්ථි භග්නයකදී පොල් මැල්ලුමක් වශයෙන් යෙදීම සරල ප්‍රතිකාරයන් ය.
ඉන්දියාවේ කේරල ප්‍රාන්තයේ ගොත්‍රික ජන කෙටසක් ශරීර ශක්තිය වර්ධනය කර ගැනීම සඳහාත්, කය වෙහෙසීමට ඇති හැකියාව වැඩි දියුණු කර ගැනීම සඳහාත් බොහෝ කලක සිට බිංපොල් ශාකය භාවිතාකර ඇත. පසුව සොයා බැලීමේදී මෙම ශාකයේ මුල්වල ඇති රසායනික සංඝටකයක ක්‍රියාකාරීත්වය ඒ සඳහා හේතුවන බව තහවුරු කර ගන්නා ලද අතර එය එරටට මුදල් උපයන මාර්ගයක් බවටද පත්වී ඇත. එමෙන්ම ඉන්දියොවේදී අක්මා රෝග, තුවාල, උදරාබාධ, ලිංගික ක්‍රියාකාරිත්වය වර්ධනයට, සිරුරේ බර අඩු කිරීමට, ප්‍රතිශක්තිය වර්ධනය කර ගැනීම ආදිය සඳහා ද බිංපොල් ශාකය භාවිතා කරයි. බිංපොල් විශබීජ නාශක ගුණ ද සහිතයි.
මූලාශ්‍ර_ ඔසුතුරු විසිතුරු , ඖෂධීය ශාක සංග්‍රහය කෘති සහ අන්තර්ජාලයෙන්
සේයාරූ_ අන්තර්ජාලයෙන්
4 comments:
API podi kale Kala thiyenawa dannam hoyannath Naha
mata me gena wadi dura thorathuru oni
mage laga thiyanawa 0779940048
0765479433
Post a Comment