පොල්පලා සිංහලෙන් පොල්කුඩු පලා යනුවෙන්ද හඳුන්වයි. මෙය අඩි 2 දක්වා උසට පඳුරක් ලෙස වැවෙන කුඩා බහුවාර්ෂික පැළෑටියකි. ශාකය පුරා සුදු පැහැති සියුම් බූවක් දක්නට ලැබේ. ඒකාන්තරව පිහිටා ඇති පත්‍ර ගෝලාකාර සිට ලන්සාකාර ඉලිප්සීය හෝ අණ්ඩාකාර ඉලිප්සීය වේ. සෑම පත්‍ර නටුවක් අසලින්ම පාහේ හට ගන්නා පුෂ්ප මංජරිය ශුකියකි. ඉතා කුඩා සුදු පැහැති පුෂ්ප ද්වීලිංගිකය. ඵලය ආශයකි. පොල්පලා පළාවක් ලෙස මෙන්ම ඔසු කැඳ සෑදීම සඳහා ද භාවිතා කළ හැකිය. මෙය Amaranthaceae කුලයට අයත් ශාකයකි.
මෙරට ජනයා බොහෝ කලක සිට ඔසුපැන් ලෙසත් මුත්‍රාබාධ සඳහා ප්‍රත්‍යයක්ෂ ඖෂධයක් ලෙසත් පොල්පලා තම්බා බීමට පුරුදුව උන්හ. මුත්‍ර අඩස්සිය, මුත්‍ර දැවිල්ල, මුත්‍ර ගල්, අර්ශස්, ගුල්ම රෝග, හෘද රෝග, කාන්තා රෝග, ප්ලීහා රෝග, ප්‍රමේහ, කැස්ස, ඇදුම, පීනස, හිස රුදා, උගුරේ ආසාදන, පාචන, අතීසාර, ගොනෝරියාව, පාණ්ඩුව ආදී රෝග රැසකට ප්‍රතිකාර කිරීමේදී සම්පූර්ණපොල්පලා ශාකයම භාවිතා කරයි.
මුත්‍ර අඩස්සිය, මුත්‍ර දැවිල්ල සහ මුත්‍ර ගල් සඳහා මෙම සම්පූර්ණ ශාකයම තම්බා බීම ප්‍රත්‍යයක්ෂ ප්‍රතිකාරයකි. වියළි පොල්පලා මල් හා කොළ ගිණිඅඟුරු මතට දමා එම දුම් ආග්‍රහණය කිරීම ඇදුම සඳහා ප්‍රතිකාරයකි. හිසරුදා සඳහා පොල්පලා මුල් අඹරා නලල මත ආලේප කිරීම හෝ පොල්පලා මුල් ඇල් දියෙන් අඹරා නලල මත පැලැස්තර දැමීම සිදුකරයි. වියළා ගත් පොල්පලා චූර්ණය මේස හැදි එකක් නටන වතුර කෝපයකට දියකර සීනි සමග පානය කිරීම කැස්සට ප්‍රතිකාරයකි. පොල්පලා මුත්‍රකාරක, අශ්මරී නාශක, පණුවන් නසන ආදී ගුණයන් රැසක් සහිතයි.
මූලාශ්‍ර_ ඖෂධීය ශාක සංග්‍රහය සහ ඔසුතුරු විසිතුරු කෘති
7 comments:
A useful text. Shall be thankful, if mentioned the procedure to prepare Porridge - Polpala Kenda - Regds. Vajira
Thank you
Good information
meka down load denne nedda
i want down load some description plese help
Very important thing.Thank you @blogspot.com
Can i have some small discription about nil katarolu
Post a Comment