මෙය සෙ.මි. 60 දක්වා ඉහලට වර්ධනය වන වාර්ෂික පැළෑටියකි. පත්‍ර නෙල්ලි කොළවලට යම් තරමකින් සමාන වන හෙයින් බිංනෙල්ලි යනුවෙන්ද හඳුන්වයි. පක්ෂවත් සංයුක්ත පත්‍රවල නාරටිය යටි පැත්තෙහි කුඩා පුෂ්ප හටගනී. එවායින් කුඩා ඵල රාශියක් හට ගන්නා අතර එයින් ඇතිවන බීජ මගින් ව්‍යාප්තිය සිදුවේ. එළ පිටවක්කා Euphorbiaceae කුලයට අයත් ශාකයකි.
තුවාල, ක්ෂය රෝගය, පාණ්ඩුව, කැස්ස, ඇදුම, අක්ෂි රෝග, සෙංගමාලය, ඉදිමුම්, විසප්පු, හොරි පණුකැවිලි ආදී සමේ රෝග, නාග විෂ, අක්මා රෝග, මලබද්ධය, උණ, අම්ලපිත්තය (ගැස්ට්‍රයිටීස්), කුසගිනි මදිකම, ආහාර අරුචිය, ආර්තව ගැටළු, ගර්භාෂ රෝග, අස්ථි බිඳුම්, මුත්‍රා රෝග, ගොනෝරියා ආදී රෝග අවස්ථා රැසක් සඳහා ප්‍රතිකාර කිරීමේදී මෙම ශාකයේ කොළ, මුල්, ඇට සහ සම්පූර්ණ ශාකය එකවරමත් භාවිතා කරයි. මුත්‍රකාරක සහ රුධිරය පිරිසිදු කරන ගුණ සහිතයි. විසප්පු සඳහා මුලු පැළෑටියම ඇල් දියෙන් අඹරා ගෑම සරල ප්‍රතිකාරයකි.
මූලාශ්‍ර_ ආයුර්වේද ඖෂධ සංග්‍රහය සහ වෙනත්
4 comments:
Thanks for you
☘️☘️☘️
mulu gahama mul ekka thambala biwama harida ?
මට කැඳ හදාගන්න මේ කොළ අවශ්‍යයි . ගන්න තැනක් කියන්නකෝ කොළඹ අවටින්
Post a Comment