Home »
» වැටකේ [Wetake] (Pandanus kaida)
 |
| ස්ත්රී ශාකය |
මෙය බොහෝ දුරට වෙරළබඩ ප්රදේශ ආශ්රිතව සහ දියසීරාව සහිත පහත් බිම්වල වැවෙන දිගු පත්ර සහිත බහුවාර්ෂික ශාකයකි. මෙහි පිරිමි ශාකය දුනුකෙයියා යනුවෙන්ද ස්ත්රී ශාකය වැටකෙයියා යනුවෙන්ද වර්ග දෙකක් ලෙස හඳුන්වා ඇත. වැටකේ ශාකයේ කඳෙන් පහලට ඇදෙන ආධාරක මුල් රැසකින් එය පොළවට සම්බන්ධ වී තිබේ. පත්රයක් අඩි 4-5 දක්වා දිගු වන අතර පත්ර දාරයෙහි කටු වැනි ව්යුහයන් පිහිටා තිබේ. අලංකාරවත් පුෂ්ප මංජරිය ඉතා සුවඳවත් ය. කොළ පැහැති වැටකේ ඵලය ඉදුණු විට තැඹිලි පැහැයක් ගනී. වැටකේ Pandanaceae කුලයට අයත් ශාකයකි.
උණ, අපස්මාරය, ශ්රවණ ආබාධ, අක්ෂි රෝග, අජීර්ණය, කුසගිනි මදිකම, ඉරුවාරදය, දියවැඩියාව, මානසික රෝග, අර්ශස්, කුෂ්ඨ රෝග, වණ, ආමවාතය, මුත්ර අඩස්සිය, කැඩුම් බිඳුම් ආදී රෝග තත්වයන් සඳහා ප්රතිකාර කිරීමේදී වැටකේ ශාකයේ මුල්, අල, මල්, දඬු, ගෙඩි, ඇට ආදිය යොදා තැනූ ඖෂධ භාවිතා කරයි. වැටකේ මොලයට හිතකරයි. රුධිරය පිරිසිදු කරයි. වාජීකරණයි. ස්වේද ජනකයි. වේදනා සමනය කරයි.
මූලාශ්ර_ ඔසුතුරු විසිතුරු කෘති සහ වෙනත්
සේයාරූ_ අන්තර්ජාලයෙන්
 |
| පිරිමි ශාකය |
2 comments:
ඕකෙයා කියන්නේ මොකද්ද? අපේ පැත්තේ තියෙන්නේ ඒක
❤❤❤
Post a Comment