හීං බිංකොහොඹ යනු කොහොඹ ශාකය හා සම්බන්ධයක් නොමැති කුඩා දේශීය පැළෑටියකි. සිංහලෙන් වල් බිංකොහොඹ යනුවෙන්ද හඳුන්වන මෙම ශාකය සෙ.මි 75 පමණ උසට වැඩෙන චතුරශ්‍රාකාර කඳක් දරයි. කොහොඹ ශාකයට පෙනුමෙන් සමාන නිසා භූනිබ්බ යනුවෙන්ද, විශාල ප්‍රදේශයක පැතිරී වඩෙන විට කළු වලාකුලක් බඳුය යන අර්ථයෙන් කාලමේඝ යනුවෙන්ද හඳුන්වා ඇත. ඇතැම් විට කිරාත යනුවෙන්ද හඳුන්වන මෙම ශාකයේ ඇති අධික තිත්ත බව වඩාත් ප්‍රකට ය. සම්මුඛව පිහිටන පත්‍ර අණ්ඩාකාර-ඉලිප්සීය සිට ඉලිප්සීය-ලංසාකාර ය. පත්රයක් සෙ.මි. 8.5 දක්වා දිගු විය හැකිය. ඒකාක්ෂ පුෂ්ප මංජරියක හට ගන්නා මල් සුදු පැහැති වන අතර දල පත්‍රවල දම් පැහැති පැල්ලමක් දැකගත හැකිය. ඵලය පැලෙන කරලකි. විසිතුරු ශාකයක් ලෙස වැවීමටද සුදුසු හීං බිංකොහොඹ ශාකය Acanthaceae උද්භිද කුලයට අයත් ය.
ඖෂධ වට්ටෝරුවල භූනිබ්බ ලෙස සඳහන්ව ඇති විට දේශීය ආයුුර්වේද වෛද්‍යවරු මෙම හීං බිංකොහොඹ ශාකයත්, ඉන්දියාවේ වැවෙන කිරාතතික්ත (Swertia chirata) පැළෑටියත් භාවිතා කර ඇති අතර පාරම්පරික වෛද්‍යවරු දේශීය බිංකොහොඹ ශාකය භාවිතා කර ඇත. කුසගිනි මදිකම, අක්මාව ඉදිමීම ඇතුළු අක්මා රෝග, විබන්ධතා, පණු රෝග, රුධිරගත රෝග, ඉදිමුම්, චර්ම රෝග, ශාරීරක දුර්වලතාවය ආදිය සඳහා ප්‍රතිකාර කිරීමට හීං බිංකොහොඹ සම්පූර්ණ ශාකයම භාවිතා කරයි. කාලමේඝ චූර්ණය, කාලමේඝ ක්වාතය, කාලමේඝ සුරාසවය, කාලමේඝ ක්ෂාරය හීං බිංකොහොඹ යොදා නිපදවන ඖෂධයන් ය. හීං බිංකොහොඹ අක්මාව උත්තේජනය කරන, පණුවන් නසන, රුධිරය පිරිසිදු කරන, ඉදිමුම් නසන, දහදිය ගන්වන, කුෂ්ඨ නසන ආදී ගුණයන් සහිතයි.
අක්මා රෝග සඳහා සම්පූර්ණ හීං බිංකොහොඹ පැළෑටියම තම්බා බීම ගුණදායක ය. උග්‍ර මැලේරියා තත්වයක් ඇති විට හීං බිංකොහොඹ මරිච චූර්ණය දෙයි. මැලේරියාව අසාද්‍ය වූ විට ඇති වන ප්ලීහාව ඉදිමීම සඳහා හීං බිංකොහොඹ කේවල කෂාය යොදා ප්‍රතිකාර කරයි. හීං බිංකොහොඹ පැළෑටිය සහමුලින් ගෙන තම්බාගත් වතුර අඬුකෝප්පයක් (ළමුන් සඳහා අඬුකෝප්ප භාගයක්‌) සීනි ස්‌වල්පයක්‌ මුසු කොට උදේ සවස පානය කිරීමෙන් පීනස, නිතර සොටු දියර ගැලීම, ඉරුවාරදය, හතිය (පපුවේ මහන්සිය) සෙම් ගෙඩි, ලේ වල සෙම, හිස බරගතිය, නිතර පවතින ප්‍රතිශ්‍යාව, නාසයේ මස්‌ දලු ඇති වීම ආදී කල්ගත වූ කොතෙකුත් ප්‍රතිකාර කළත් සුව නොවන සෙම් රෝග නිට්‌ටාවටම සමනය වනු අත්දැකිය හැකිය. ගැමියන් තමන්ට දියවැඩියාව වැළඳී ඇති බව දැන ගත් පසු අත් බෙහෙතක්‌ වශයෙන් හීං බිංකොහොඹ ශාකයේ පත්රයක් බැගින් දිනපතා උදේ සවස හොඳින් සපා ගිල දැමීම මඟින් වෙනත් ප්‍රතිකාරවලින් තොරවම එම අසනීපය සුව කර ගත්හ. හීං බිංකොහොඹ දියවැඩියාව සඳහා ඉතාමත් ප්‍රතිඵලදායක ඖෂධයක් බව මෑකතදී කරන ලද පර්යේෂණ මඟින්ද තහවුරු කර ඇත. හීං බිංකොහොඹ කොටා මිරිකා ගත් යුෂ තේ හැඳි භාගයක්‌ මී පැණි දමා උදේ සවස පානය කිරීමෙන් මුත්‍ර ගල් වැටී මුත්‍රාශ්වරී රෝගය සුව වෙයි. හීං බිංකොහොඹ ශාකය ගෙවත්තේ වවා ගැනීමෙන් නිතර දර්ශනය කිරීමෙන් ස්‌පර්ශ කිරීමෙන් සහ සුදුසු ක්‍රමවේද හරහා සේවනය කිරීමෙන් අඟහරු ග්‍රහයාගෙන් වන අපල උපද්‍රව දුරු කර ගත හැකි බව පැරණි විශ්වාසයකි.
මූලාශ්‍ර_ ඖෂධීය ශාක සංග්‍රහය සහ ප්‍රවීන ජ්‍යෙතිෂ්‍යවේදී, වෛද්‍යාචාර්ය, හේමලාල් සේපාල මහතාගේ ලිපියක් ඇසුරින්
විශේෂ ස්තුතිය_ ජේ‍ෂ්ඨ අායුර්වේද වෛද්‍ය සචින් ජයනෙත්ති මහතාට
සේයාරූ_ අන්තර්ජාලයෙන්
11 comments:
මෙම ශාක පත්‍ර 2 - 3 , කුඩාවට කපා වතුර කෝප්පයකට රාත්‍රියට දමා , පහුවදාට පෙරා පානය කිරීමෙන් දියවැඩියාව සුවවේද ?, ශරීරයේ සීනි අඩුවේද ?
හරිම ප්‍රයෝජනවත්
warga 2k thiyanawaa needa?
I have plenty of heen binkomba.for sale tel. No 0774937733
How safe is Heen Binkohomba in using for diabetic ? Any advice ??
Me palaya lankase tibeda
Good, usefull plant 🌱🌱🌱
මග ගෙවත්තේ ඕනතරම්
විවිධ පලාත්වල දේශගුණික කාල ගුණික හේතු මත හැඩය පැහැය වෙනස් කම් ඇත
Mage laga thiyenawa 0771132226
Oya sini suwa kara gaththada ..
Post a Comment