ගෙඩි වණ වෙදකමේදී යොදා ගන්නා ප්රධාන ඖෂධීය ශාකයක් වන අහු බහුලවම බාහිර ප්රලේප වශයෙන් භාවිතා කරයි. එමෙන්ම අජීර්ණ, අක්මා, ප්ලීහා සහ වකුගඩු රෝග, අතීසාර, පාචන, මධුමේහ, රක්ත පිත්ත, කැස්ස, ඇදුම, රුධිර වහනය, සූතිකා උණ ආදියට ප්රතිකාර කිරීම සඳහා අහු ශාකයේ කොළ, දළු, පොතු, මුල් හා ගෙඩි භාවිතා කරයි. අහු මුල් විරේචක සහ ස්රාව වියළන ගුණයෙන් යුක්තය. අහු ගෙඩි හා කොළ අාර්ථතවය ජනනය කරන, අවරෝධාතා නසන, බලකාරක සහ උණ නසන ගුණ සහිතයි. ඉදුනු අහු ගෙඩි මෘදු විරේචක ගුණැතිය.
ගෙඩි වණ වෙදකමෙහි ක්ෂත ශෝධන, රෝපණයෙහි පැසවීමට අහු භාවිතා කරයි. එහිදී පත්ර තලා ලබා ගන්නා යුෂ ආලේප කරයි. පත්ර අඹරා සාදාගත් ප්රලේපය තුවාල ශෝධන සහ රෝපණය සඳහා යොදා ගනී. ඊටම ළපටි කොළ අඹරා ගත් පත්තුව , ඉඟුරු තෙල් යම් ප්රමාණයක බහා රත්කර ප්රලේප වශයෙන් යොදා ගනී. විදුරුමස් ශක්තිමත් කිරීමට අහු ගැට තම්බාගත් ජලයට ලුණු මිශ්රකර කට සේදිය යුතුය. එයටම අහු ගැට පුලුස්සා ගත් අළු ලුණු කුඩු මිශ්රකර විදුරුමස්වල ආලේප කළ යුතුය. අහු දළු පුටපාකය මී පැණි සමඟ ළදරු අතීසාරට ප්රතිකාර කිරීමට භාවිතා කරයි. මව්වරුන්ට දරුවන් වැදූ අලුත වැලඳෙන සූතිකා උණට අහු නැටි කසාය යොදා ගනී. එය මැලේරියා වැනි වෙනත් උණ රෝග සඳහා ද ප්රතිපලදායක ය. විෂහරණ තෛලය නිපදවීම සඳහා ද අහු භාවිතා කරයි.
අප රටෙහි ඈත අතීතයේ සිටම හදි හූනියම්, අණවින, කොඩිවින ආදී ගුප්ත විද්යා කටයුතු සඳහා අහු භාවිතා කර ඇත. ඒ හේතුව නිසා අහු විෂ සහිත ශාකයක් ලෙස සමාජගතවී තිබුන ද වෙනත් රටවල අහුගෙඩි පලතුරක් ලෙස ආහාරයට ගනී. සැකසූ අහුගෙඩි යුෂ එම රටවල ජනප්රිය පානයකි. Noni Fruit සහ Noni Juice ලෙස අන්තර්ජාලයේ සෙවූ විට මේ පිළිබඳ බොහෝ තොරතුරු ලබා ගත හැකිය.
මූලාශ්ර_ ඖෂධීය ශාක සංග්රහය සහ ඔසුතුරු විසිතුරු
![]() |
හීං අහු (Morinda coreia) |
4 comments:
https://www.cancertutor.com/noni/
Noni juice contains a whole slew of cancer fighting nutrients. It kills cancer cells (the anthraquinone damnacanthal and the trace element selenium), it stops the spread of cancer
Pl send me your contact no.
ඔබේ දුරකථන අංකය දෙන්න පුලුවන්ද?? amila1984@gmail.com
අහු ගෙඩි හැදෙන්නෙ වසරේ මොන කාලයටද
Post a Comment